Aadat ho Hi jati hai

Yeh zehmat bhi to rafta rafta rehmat ho hi jaati hai,
Musalsal gham se gham sehnay ki aadat ho hi jaati hai.

Maseeha ho agar tum sa, zaroorat kya hai marham ki,
K kaanton se bhi zakhmon ki jaraahat ho hi jaati hai.
...
TaalluQ jin se ho un par, gila aaya hi karta hai,
Mohabbat jin se ho un se, shikaayat ho hi jaati hai.

Zaroori to nahin sooraj, Sawa naizay pe aa jay,
Badal jaay koi apna qayamat ho hi jati hai...